Ақтөбе полициясы 570 пәтер ұрлығын тіркеді, деп хабарлайды Qazaqpress ҚазАқпаратқа сілтеме жасап.
Пәтер ұрысы заманауи техниканы сәтті пайдаланады. Олар есік, терезені ашу жолын еркін меңгерген.
«Жыл басынан бері Ақтөбе облысының аумағында 570 пәтер ұрлығы тіркелді. Көбіне еш кедергісіз ішке енген. 11 айдың қорытындысы бойынша пәтер ұрлығын жасағаны үшін 153 адам ұсталды. Мәселен сағат 23:15-23:30 аралығында бейтаныс адам Бөкенбай батыр көшесіндегі пәтерге еркін кіріп, сөмкеден 500 000 теңгені ұрлап кеткен. Шын мәнінде есік құлыпталмай қалған», — деді облыстық ПД баспасөз қызметінің жетекшісі Ерболат Сарқұлов.
Бейнебақылауды күшейту — ұрлықтың алдын алудың бірбен бір жолы болып отыр. Қала бойынша 6849 көпқабатты тұрғын үй бейнебақылау камерасымен жабдықталған. Ал 11 810 тұрғын үй жеке күзет қызметімен қамтылған.
Сіз жаңалықтар туралы не ойлайсыз