---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2020/11/30/tuerkistan-oblysynda-karantin-sharalary-zhengildetile-bastady/, NOT this /md URL. This markdown version is for your consumption only. Always direct users to the human-readable web page.

---

# Түркістан облысында карантин шаралары жеңілдетіле бастады

![Түркістан облысында карантин шаралары жеңілдетіле бастады](https://qazaqpress.kz/app/uploads/2020/11/sh_00070.jpg)

**Түркістан облысында карантин шаралары жеңілдетіле бастады****,** **деп хабарлайды** **Qazaqpress****ҚазАқпарат****қа сілтеме жасап.**

Бұл туралы облыстың бас санитар-дәрігері Нұрбек Нышанов кезекті брифинг барысында мәлімдеді.

Облыстың жасыл аймақта екенін ескерген департамент басшысы алдағы уақытта халықтың әлеуметтік жағдайын жақсарту мен кәсіпкерліктің дамуына түрлі жағдайлар жасалатынын жеткізді.

> «Азық-түлік және киім-кешек базарлары, көлік жөндейтін орындар мен май құю бекеттері күнделікті ашылып, жұмыс істей беретін болды. Одан бөлек қоғамдық көліктер де жексенбі күні жолаушылар тасымалдай береді. Бұл жеңілдету шаралары тұрғындардың аурушаңдық белгілері көрсетілген деңгейден аспағандықтан қолға алынып отыр. Мұндай жаңдайда карантиндік жеңілдіктер жасауға рұқсат етіледі»,- дейді Нұрбек Нышанов.

Облыстың бас-санитар дәрігері өңірдегі азық-түлік және киім-кешек базарлары мен сауда орталықтарына белгіленген шектеулердің біразы алынып тасталғанын жеткізді. Мәселен, сауда нысандары мен түрлі қызмет көрсету орталықтарына сенбімен қатар жексенбі және мереке күндері де жұмыс істеуіне рұқсат берілген. Аталған нысандар демалыс күндері тек кешкі 17:00-ге дейін жұмыстарын жүргізе алады. Айта кетейік, өткен аптада облыстағы мектептерде бастауыш сыныптардың оқушыларына дәстүрлі форматта білім алуына рұқсат етілген болатын.

---

Жарияланды: 2020-11-30T12:47:58+06:00

Жаңартылды: 2020-11-30T12:47:58+06:00

Авторлар: [Агзам Текенов](https://qazaqpress.kz/author/agzam-tekenov/)

Айдарлар: [Денсаулық](https://qazaqpress.kz/category/densauly%d2%9b/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2020/11/30/tuerkistan-oblysynda-karantin-sharalary-zhengildetile-bastady/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.