2020 жылдың 26 қарашасында QazaqGeography Республикалық қоғамдық бірлестігі мен Kaspi.kz компаниясы ынтымақтастық және серіктестік туралы меморандумға қол қойды, деп хабарлайды Qazaqpress.
Тараптар қоршаған ортаны сақтау, экологиялық жағдайды жақсарту, ғылымды дамыту, заманауи инфрақұрылым құру және ұлттық табиғи парктердің аумақтарын жақсарту мақсатында күш біріктіруге келісті.
Kaspi.kz директорлар кеңесінің Төрағасы және негізін қалаушылардың бірі Вячеслав Ким:
«Біз Қазақстанның ерекше табиғи және мәдени құндылықтарын сақтауға үлес қосқымыз келеді. Жоба аясында біз ғылыми зерттеулер мен білім бағдарламаларына қаржылай қолдау көрсетеміз. Біз отбасыларымыз бен балаларымыз еліміздің әсемдігін тамашалау үшін Ұлттық парктердің дамуына қатысқымыз келеді. Біз QazaqGeography-мен бірге болашақ ұрпақтарға еліміздің ұлттық мақтанышы және мұрасы болып табылатын құндылықтарды жеткізуге бар күшімізді саламыз».
Kaspi.kz басшысы және негізін қалаушылардың бірі Михаил Ломтадзе:
«Kaspi.kz басты миссиясы – біздің сүйікті клиенттеріміздің өмірін жақсарту және QazaqGeography-мен бірлескен жоба оған толық сәйкес келеді. Әрқайсымыз табиғат сұлулығын жақсы көреміз және салауатты өмір салтын ұстанамыз. Біздің мақсатымыз – біз сүйікті клиенттеріміз бен олардың отбасыларының және барлық қазақстандықтардың ұлттық парктерге рахаттанып баруы үшін QazaqGeography-ге экологиялық туризмнің тартымдылығын жақсарту және сапалы, заманауи инфрақұрылым қалыптастыруға көмектескіміз келеді».
QazaqGeography басқарма төрағасы Орман Нұрбаев:
«Бизнестің әлеуметтік жауапкершілігі – кез-келген табысты компанияның жұмысындағы маңызды бөлігі. Kaspi.kz–тің ұлттық табиғи байлықты сақтау және дамыту мәселелерін шешуге белсенді қатысуы жоғары азаматтық жауапкершіліктің үлгісі. Біздің бірлескен күш-жігеріміз Қазақстанның табиғи, тарихи және мәдени мұраларын танымал ету, Қазақстан Республикасындағы ерекше қорғалатын табиғи аумақтарды тұрақты дамыту мен экотуризмді дамытуға бірлесе отырып күш салу».
QazaqGeography жайлы
QazaqGeography республикалық қоғамдық бірлестігі 2013 жылдың 16 қазанында құрылды. Бастапқы миссиясы – Қазақстан мен әлемде табиғат, қоғам мен мәдениет туралы білім тарата отырып, дамыту және азаматтардың өзін-өзі дамытуға, қоғам мен әлемге қызмет етуге шабыттандыру. QazaqGeography-дің маңызды міндеттерінің бірі – қоршаған ортаны сақтауға қамқорлық жасау мен экологиялық туризмді дамытуға ықпал ету.
Kaspi.kz жайлы
Kaspi.kz миссиясы – сүйікті клиенттеріміздің өмірін жақсартатын инновациялық өнімдер мен қызметтер жасау. Біздің инновациямыздың негізі ретінде өз саласындағы жалғыз және елдегі ең танымал, 8.5 млн. астам қазақстандық қолданатын мобильді суперқосымша Kaspi.kz тұр. Kaspi.kz мобильді суперқосымшасының көмегімен біздің клиенттеріміз төлем және аударым жасап, жеке қаражаттарын басқарады және жеткізу қызметімен тиімді онлайн зат сатып алады. Біздің әрқайсымыз күн сайын біздің сүйікті клиенттеріміздің өмірін жақсартып, инновацияларымызбен таңқалдыру үшін бар күшін салады.
Сіз жаңалықтар туралы не ойлайсыз