ADVERTISEMENT
Қазақстанда COVID-19 вирусынан қанша жүкті әйел емделіп жатқаны белгілі болды. Бұл туралы Орталық коммуникациялар қызметінде өткен баспасөз мәслихатында Денсаулық сақтау вице-министрі Ажар Ғинаят хабарлады.
Баспасөз мәслихатында айтылғандай, пандемия басталғалы 8 800 жүкті әйел коронавирус жұқтырып алған.
«Қазіргі уақытта 247 әйел стационарда емделіп жатыр. Елде баланың құрсақта жатқан кезінде коронавирус жұқтыру жағдайы тіркелген жоқ. Тек дүниеге келгеннен кейін анасымен бір төсекте жатқан 124 сәби бір аптаның ішінде коронавирус жұқтырып алған. Алайда ауру симптомсыз дәрежеде өтеді. Біз тек диагноз арқылы олардың коронавирус жұқтырғанын анықтап отырдық», – деді Ажар Ғинаят.
Түпнұсқасы: ҚазАқпарат
Сіз жаңалықтар туралы не ойлайсыз