Алматы қаласы тауарлар мен қызметтердің қауіпсіздігін бақылау департаменті коронавируспен күресіп жүрген дәрігерлерге арналған үстемақыны төлеу ережелерін бұзған, деп хабарлайды Qazaqpress Tengrinews.kz сілтеме жасап.
Заң бұзушылықтардың жалпы сомасы 55,6 миллион теңге.
Бұл туралы Қаржы министрлігінің Алматы бойынша ішкі мемлекеттік аудит департаменті портал сұрауына жауапта айтты.
Мамандар 2020 жылдың 1 қаңтары мен 31 тамызы аралығындағы ТКҚСҚБД шығындарын тексерген.
«Дағдарысқа қарсы іс-шараларға тартылған жалпы сомасы 55,6 миллион теңгеге заңнама нормаларын бұза отырып, мекеме қызметкерлерін ынталандыру үстемелерін есептеу мен төлеу кезінде бюджет қаражатын пайдалану деректері анықталды», — деп хабарлады ведомстводағылар.
Аудит нәтижелері бойынша, департаментке анықталған заңбұзушылықтарды жою туралы нұсқама жіберілді. Оған жол берген адамдар да жауапқа тартылуы керек.
Еске салайық, 2020 жылдың сәуірінен бастап Алматы ТКҚСҚБД-ны Жандарбек Бекшин басқарады.
Сіз жаңалықтар туралы не ойлайсыз