Павлодар облысының әкімі Әбілқайыр Сқақов және қала әкімі Ержан Иманслям облыс орталығының көшелерін аралап, қар тазалығының жұмысын тексерді, деп хабарлайды Qazaqpress ҚазАқпаратқа сілтеме жасап.
Сқақов коммуналдық қызметтер және мердігерлік ұйымдар басшылары қарды уақытылы тазалау және қала сыртына шығару мәселесі жөнінде бірқатар міндет жүктеді.
– Біз мердігерлерден сапалы жұмыс талап етеміз. Қар түскеннен кейін қала 2-3 күн ішінде тазартылуы тиіс, көшелерде 10 күн бұрын жауған қалың қар әлі үйіліп жатыр. Көктайғаққа қарсы қоспаны шашу, жүру бөлігін қардан тазалау және көше бойын сыпыру бойынша мәселе жоқ, ал қарды полигондарға шығару бойынша жұмыстар орындалмаған. Коммуналдық қызметтерге қаланы қардан тазарту үшін ақы төленеді, оларға талапты дұрыстап қою керек, – деді Әбілқайыр Сқақов қала басшысына.
Сіз жаңалықтар туралы не ойлайсыз