Желіде көктен «химикат шашты» деген сипаттағы видео тарауда. деп хабарлайды Zakon.kz.
Бұл жолғы видеодағы «у шашушы» ұшақ Солтүстік Қазақстан облысы көгінен байқалған-мыс делінеді.
Stopfake.kz, шын мәнінде, бұл видеоның 2012 жылдың желтоқсанында түсіріліп, YouTube-та жарияланғанын айтады. Ту-204 ұшағының көкке көтерілген сәті Якутскіде түсірілген. Сол кезде ауа температурасы 45 градус аяз болған.
Оның артынан қалған із инверсия немесе конденсация деп аталады. Ол конденсацияланған ылғалдың – атмосфераның белгілі бір бөлігінде ұшу аппараттары соңынан атмосферада қалыптасатын тамшылар немесе мұз кристалдар.
– Бұл құбылыс тропосфераның жоғарғы қабаттарында жиі орын алады, ал тропопауза мен стратосферада өте сирек байқалады. Ауа температурасы төмен болғанда шағын биіктіктерде де байқалуы мүмкін, – делінген Википедияда.
Желі қолданушылардың ұшақтардың конденсациялық іздерін химикатпен шатастыруы бірінші рет емес.
Сіз жаңалықтар туралы не ойлайсыз